 អាកាសយានដ្ឋានអន្តរជាតិ តេជោ (TIA) ✈️ ដែលជាអាកាសយានដ្ឋានថ្មីសម្បើមរបស់រាជធានីភ្នំពេញ 🇰🇭 បានចាប់ផ្តើមប្រតិបត្តិការជាផ្លូវការ នៅថ្ងៃអង្គារ 🗓️។
អាកាសយានដ្ឋានអន្តរជាតិ តេជោ (TIA) ✈️ ដែលជាអាកាសយានដ្ឋានថ្មីសម្បើមរបស់រាជធានីភ្នំពេញ 🇰🇭 បានចាប់ផ្តើមប្រតិបត្តិការជាផ្លូវការ នៅថ្ងៃអង្គារ 🗓️។ វា ក្លាយជាអាកាសយានដ្ឋានធំជាងគេ 🌟 នៅក្នុងតំបន់អាស៊ីអាគ្នេយ៍ 🌏 ដែលអាចបង្កើនសក្តានុពលសេដ្ឋកិច្ច និងទេសចរណ៍របស់ប្រទេសកម្ពុជាយើង 🚀🏖️។
ការងារសាងសង់លើគម្រោងអាកាសយានដ្ឋាននេះ បានចាប់ផ្តើមតាំងពីឆ្នាំ ២០២០ 🏗️ ដោយមានសាជីវកម្មវិស្វកម្មសំណង់រដ្ឋចិន 🇨🇳 ជាអ្នកម៉ៅការសំខាន់។ ការចេញមុខជាផ្លូវការ នេះ គឺជាដំណាក់កាលប្រវត្តិសាស្រ្ត 🎉 ដែលបង្ហាញពីការរីកចម្រើន និងសម្ព័ន្ធភាពរវាងកម្ពុជា-ចិន 🤝។
ថ្ងៃទី ៖ 12-09-2025, ដោយ pichey | 112 Views
|
|
|
សេចក្តីសម្រេច ស្តីពីការតែងតាំងសមាសភាពក្រុមការងារចំណុះលេខាធិការនៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ONLINE SCAMS)
រាជរដ្ឋាភិបាលកម្ពុជា បានចេញសេចក្តីសម្រេចលេខៈ១០៤ សសរ ចុះថ្ងៃទី៣ ខែកញ្ញា ឆ្នាំ២០២៥ ស្តីពីការតែងតាំងសមាសភាពក្រុមការងារចំណុះលេខាធិការនៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ONLINE SCAMS)
សេចក្តីសម្រេចនេះត្រូវបានបែងចែកក្រុមការងារជា ៦ក្រុមដូចខាងក្រោម៖
១-ក្រុមការងារស្រាវជ្រាវ និងស៊ើបង្កេត (មានសមាសភាពចំនួន ៣៣ រូប)
២-ក្រុមការងារបច្ចេកវិទ្យាព័ត៌មាន (មានសមាសភាពចំនួន ០៩ រូប)
៣-ក្រុមការងារប្រតិបត្តិការ និងនីតិវិធី(មានសមាសភាពចំនួន ២១ រូប)
៤-ក្រុមការងារទំនាក់ទំនងកិច្ចសហប្រតិបត្តិការអន្តរជាតិ(មានសមាសភាពចំនួន ០២ រូប)
៥-ក្រុមការងារផ្សព្វផ្សាយ និងសាធារណៈមតិ(មានសមាសភាពចំនួន ០៩ រូប)
៦-ក្រុមការងារកិច្ចការទូទៅ(មានសមាសភាពចំនួន ០៨ រូប)
ថ្ងៃទី ៖ 11-09-2025, ដោយ Heach | 45 Views
|
|
|
ឯកឧត្តមកិត្តិសង្គហបណ្ឌិត គន់ គីម ណែនាំឱ្យអាជ្ញាធរខេត្តមានជនភៀសសឹកបន្តតាមដាន និងចុះពិនិត្យជាប់ជាប្រចាំចំពោះបងប្អូនភៀសសឹកត្រឡប់ទៅលំនៅដ្ឋាន
ឯកឧត្តមកិត្តិសង្គហបណ្ឌិត គន់ គីម ណែនាំឱ្យអាជ្ញាធរខេត្តមានជនភៀសសឹកបន្តតាមដាន និងចុះពិនិត្យជាប់ជាប្រចាំចំពោះបងប្អូនភៀសសឹកត្រឡប់ទៅលំនៅដ្ឋាន
នៅថ្ងៃទី៣ ខែកញ្ញា ឆ្នាំ២០២៥នេះ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ បានពិនិត្យឃើញថា ក្នុងចំណោមបងប្អូនជនភៀសសឹកដែលធ្លាប់ស្នាក់នៅមណ្ឌលសុវត្ថិភាព មានមួយចំនួនបានត្រឡប់ទៅលំនៅដ្ឋានវិញ បន្ទាប់ពីស្ថានភាពព្រំដែនមានសភាពស្ងប់ស្ងាត់ ដើម្បីបានរៀបចំជីវភាព និងអាជីវកម្មឡើងវិញជាប្រក្រតី។
ផ្អែកតាមស្ថានភាពនៃការត្រឡប់ទៅលំនៅដ្ឋានរបស់បងប្អូនជនភៀសសឹក ឯកឧត្តមកិត្តិសង្គហបណ្ឌិត គន់ គីម បានណែនាំដល់អាជ្ញាធរខេត្តត្រូវចុះតាមដាន និងពិនិត្យជាប់ជាប្រចាំពីស្ថានភាពរស់នៅរបស់បងប្អូនប្រជាពលរដ្ឋ ហើយក្នុងករណីមានការស្នើសុំជំនួយណាមួយត្រូវយកចិត្តទុកដាក់ឆ្លើយតបឱ្យបានទាន់ពេលវេលា។
ដោយឡែកចំពោះបងប្អូនភៀសសឹកបន្តស្នាក់នៅមណ្ឌលសុវត្ថិភាព ឯកឧត្តមកិត្តិសង្គហបណ្ឌិត គន់ គីម សូមឱ្យអាជ្ញាធរខេត្ត និងមន្រ្តីជំនាញចូលរួមផ្តល់ការហូបចុក និងការស្នាក់នៅឱ្យបានប្រសើរ ទាំងការផ្គត់ផ្គង់ស្បៀងបបម្រុងរបស់រាជរដ្ឋភិបាល និងសម្ភារៈប្រើប្រាស់។ ក្នុងនោះ សូមស្នើដល់ក្រុមគ្រូពេទ្យប្រចាំការទាំងអស់នៅមណ្ឌលសុវត្ថិភាពបន្តសកម្មភាពលើកកម្ពស់សុខុមាលភាព តាមរយៈការពិគ្រោះ ពិនិត្យ និងសង្គ្រោះឱ្យបានទាន់ពេលវេលាជូនបងប្អូនភៀសសឹក ពិសេសស្រ្តី និងកុមារ។
យោងតាមរបាយការណ៍ គិតត្រឹមថ្ងៃទី២ ខែកញ្ញា ឆ្នាំ២០២៥ មានជនភៀសសឹកក្នុងខេត្តចំនួន៤ សរុបចំនួន ៦,២៦២គ្រួសារ ស្មើនឹងចំនួន ២០,៦៩១នាក់ និងមានជនភៀសសឹកត្រឡប់ទៅលំនៅដ្ឋានវិញ ចំនួន ៥៩៥គ្រួសារ៕
ថ្ងៃទី ៖ 03-09-2025, ដោយ pichey | 65 Views
|
|
|
|
|
|
|
សាលាឧទ្ធរណ៍ និងមហាអយ្យការអមសាលាឧទ្ធរណ៍ភ្នំពេញ បរិច្ចាគថវិកាចំនួន ១៧៣,៩៧៤,០០០រៀល ជូន រាជរដ្ឋាភិបាលកម្ពុជា ក្នុងស្មារតីសាមគ្គីជាតិ ឯកភាពជាតិ ដើម្បីពង្រឹងខឿនការពារជាតិ។
ភ្នំពេញ៖ ឯកឧត្តម សេង ស៊ីវុត្ថា ប្រធានសាលាឧទ្ធរណ៍ភ្នំពេញ និង ឯកឧត្តម អ៊ុក សាវុធ អគ្គព្រះរាជអាជ្ញាអមសាលាឧទ្ធរណ៍ភ្នំពេញ បានផ្ញើលិខិតគោរពជូន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាអគ្គភស្តុភារជាន់ខ្ពស់កងយោធពលខេមរភូមិន្ទ និង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្តីពីការបរិច្ចាគថវិកា ចំនួន ១៧៣,៩៧៤,០០០រៀល របស់ ថ្នាក់ដឹកនាំ មន្ត្រីរាជការ មន្ត្រីជាប់កិច្ចសន្យា និងបុគ្គលិកហាត់ការ នៃ សាលាឧទ្ធរណ៍ និងមហាអយ្យការអមសាលាឧទ្ធរណ៍ភ្នំពេញ ជូន រាជរដ្ឋាភិបាលកម្ពុជា ក្នុងស្មារតីសាមគ្គីជាតិ ឯកភាពជាតិ ដើម្បីពង្រឹងខឿនការពារជាតិ ក៏ដូចជាលើកទឹកចិត្តដល់វីរទ័ពជួរមុខកម្ពុជាដែលបានប្រយុទ្ធយ៉ាងអង់អាចក្លាហាន ការការពារជាតិបូរណភាពទឹកដី ពីការឈ្លានពានរបស់សត្រូវមកលើដែនអធិបតេយ្យភាពរបស់កម្ពុជា ព្រមទាំងបងប្អូនប្រជាពលរដ្ឋដែលបានជម្លៀសមកកន្លែងសុវត្ថិភាព។
ថ្ងៃទី ៖ 30-07-2025, ដោយ Heach | 89 Views
|
|
|
|
|
|
|
|
|
|
|
កម្ពុជា បដិសេធចំពោះអង្ករដែលវេចខ្ចប់សម្បកមានសញ្ញាស្រដៀងនឹងទង់ជាតិថៃ
យោងតាមសេចក្ដីជូនដំណឹងរបស់សហព័ន្ធស្រូវអង្ករកម្ពុជា ដែលបានបដិសេធទាំងស្រុងចំពោះអង្ករ ដែលវេចខ្ចប់សម្បកមានសញ្ញាស្រដៀងនឹងទង់ជាតិប្រទេសថៃ អមជាមួយភាសាថៃ ដែលបញ្ជាក់ថា មានប្រភពពីកម្ពុជា ហើយបានដាក់លក់រាយតាមប្រព័ន្ធអនឡាញនៅក្នុងទីផ្សារប្រទេសចិន នាពេលថ្មីៗនេះថា មិនមែនជាអង្ករ ដែលវេចខ្ចប់នៅកម្ពុជានោះទេ។ បើតាមការអះអាងរបស់សហព័ន្ធស្រូវអង្ករកម្ពុជា ក្រសួងពាណិជ្ជកម្មកម្ពុជានឹងចាត់វិធានការលើបញ្ហានេះ តាមរយៈឱ្យក្រុមហ៊ុនវេចខ្ចប់កែតម្រូវឡើងវិញនៅក្នុងជំហានដំបូងនេះ។
ថ្ងៃទី ៖ 30-06-2025, ដោយ Heach | 120 Views
|
កម្ពុជាសម្រេចបិទការនាំចូលបន្លែនិងផ្លែឈើពីថៃ ដើម្បីឆ្លើយតបនឹងការប្រ.មា.ថរបស់យោធាថៃ!
(ភ្នំពេញ)៖ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្ដោប្រវេសន៍បានឱ្យដឹង នៅវេលាម៉ោងជាង១១ព្រឹក ថ្ងៃទី១៧ ខែមិថុនា ឆ្នាំ២០២៥នេះថា មកទល់ពេលនេះនៅតាមច្រកទ្វារព្រំដែនទាំងអស់របស់កម្ពុជា បានបិទចោលទាំងស្រុងនូវការនាំចូលបន្លែ និងផ្លែឈើគ្រប់ប្រភេទ ដែលនាំពីប្រទេសថៃ ចូលមកក្នុងប្រទេសកម្ពុជា។
ថ្ងៃទី ៖ 17-06-2025, ដោយ Heach | 180 Views
|
|
|
|
|
ប៉ូលិសប្រៀបធៀបនិងបង្ហាញ៣ចំណុច«ទឹកស៊ីអ៊ីវ» របស់ម៉ាកល្បី ពិតនិងក្លែងក្លាយ
បរទេស ៖ យោងតាមប្រភពព័ត៌មានពីបរទេសបានឱ្យដឹងថាប៉ូលិសប្រៀបធៀបនិងបង្ហាញ៣ចំណុច«ទឹកស៊ីអ៊ីវ» របស់ម៉ាកល្បី ពិតនិងក្លែងក្លាយ បើមិនពិនិត្យមើលឲ្យជិត គឺមើលមិនចេញឡើយ! នគរបាលប៉ុស្តិ៍បាគង ប្រៀបធៀប៣ចំណុច ទឹកស៊ីអ៊ីវ ម៉ាកល្បីៗ ពិត និងក្លែងក្លាយ ក្រោយឆ្មក់ចូល ផ្អើល! ផលិតឡើងឲ្យដូចវត្ថុពិត បើមិនមើលឲ្យជិតទេ សឹងតែគ្មាននរណាដឹង។
ថ្ងៃទី ៖ 12-06-2025, ដោយ Heach | 132 Views
|
|
|
|
|
ថៃសម្រេចបិទព្រំដែន តាមច្រកតំបន់ និងរបៀង ចាប់ពីថ្ងៃទី៧ ខែមិថុនាតទៅ..
ថៃសម្រេចបិទព្រំដែន តាមច្រកតំបន់ និងរបៀង
ចាប់ពីថ្ងៃទី៧ ខែមិថុនាតទៅ..
ខេត្តបន្ទាយមានជ័យ ៖ «ចាប់ពីថ្ងៃទី០៧ ខែមិថុនា ឆ្នាំ២០២៥ តទៅ ច្រកតំបន់ និងច្រករបៀង រវាងព្រំដែនថៃ និងកម្ពុជា ត្រូវបានបិទជាបណ្ដោះអាសន្ន (ឯកតោភាគី) ដើម្បីរង់ចាំការចរចារពាក់ព័ន្ធ ករណីជម្លោះវិវាទព្រំដែនគោក រវាងថៃ-កម្ពុជា។
ការបិទច្រកព្រំដែន ដោយឯកតោភាគី របស់ប្រទេសថៃនេះ បន្ទាប់ពីភាគីកម្ពុជា បានបដិសេធមិនព្រមចរចារ ៤ចំណុច គឺតំបន់ប្រាសាទតាមាន់តូច តាមាន់ធំ តាក្របី និងតំបន់មុំបី នៅ ក្នុងកិច្ចប្រជុំពេញអង្គគណៈកម្មាធិការចម្រុះព្រំដែន(JBC) នៅថ្ងៃទី១៤ ខែមិថុនា ឆ្នាំ២០២៥ ខាងមុខនេះ ដោយទាមទារឲ្យភាគីថៃ ដោះស្រាយនៅតុលាការយុត្តិធម៌អន្តរជាតិ (ICJ)។»៕
ថ្ងៃទី ៖ 07-06-2025, ដោយ admin | 184 Views
|
អគ្គីភយ័ឆេះតូប លក់ដូរនៅផ្សារច្បារអំពៅ
ភ្នំពេញ ៖ អគ្គីភយ័ឆេះតូប លក់ដូរនៅផ្សារច្បារអំពៅត្រូវអាជីវករ នឹងសន្តិសុខផ្សារ យកបំពង់ពន្លត់អគ្គិភ័យបាញ់ពន្លត់ទាន់ពេលវេលា មូលហេតុជាងផ្សារដែកជួសជុលតូប ធ្លាក់កម្ទេចភ្លេីង។
ហេតុការណ៍បង្ករអោយមានការភ្ញាក់ផ្អេីលនៅវេលាម៉ោងជាង១១:២៥នាទី ថ្ងៃទី៣ ខែមិថុនា ឆ្នាំ២០២៥នេះ ស្ថិតក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
ថ្ងៃទី ៖ 03-06-2025, ដោយ Admin | 174 Views
|
|
|
|
|
រកឃើញទង្វើល្មើសរបស់វរសេនីយ៍ទោ សាន សាធុកា ដែលត្រូវបានដកហូតពីតំណែង
លោកវរសេនីយ៍ទោ សាន សាធុកា ត្រូវបានដកតំណែង ពីអនុប្រធាននាយកដ្ឋាន នគរបាលប្រឆាំងបទល្មើសសេដ្ឋកិច្ច នៃអគ្គស្នងការនគរបាលជាតិ ឱ្យមកជាមន្ត្រីនគរបាលជាតិ។
នេះបើយោងតាមសេចក្តីបំភ្លឺរបស់អ្នកនាំពាក្យអគ្គស្នងការនគរបាលជាតិ ចុះថ្ងៃទី៨ ខែឧសភា ឆ្នាំ២០២៥ នេះ ដែលពន្យល់ថា ការដកហូតដំណែងលោកវរសេនីយ៍ទោ សាន សាធុកា គឺដោយសារតែអគ្គស្នងការនគរបាលជាតិ រកឃើញថា មន្ត្រីរូបនេះ បានប្រព្រឹត្តខុសបទវិន័យរបស់នគរបាលជាតិ ដោយឆ្លៀតប្រើប្រាស់តួនាទីដើម្បីកេងយកប្រយោជន៍ផ្ទាល់ខ្លួន។
ថ្ងៃទី ៖ 09-05-2025, ដោយ Heach | 180 Views
|
បច្ចុប្បន្ននេះ កម្ពុជា មានកំពុងផែសមុទ្រ និងទន្លេសរុបចំនួន ១១៩ កន្លែង
កម្ពុជាមានកំពង់ផែសមុទ្រ និងកំពង់ផែតាមដងទន្លេសរុបចំនួន ១១៩ កន្លែង ដែលបានកំពុងចូលរួមលើកកម្ពស់ប្រសិទ្ធភាព និងពង្រីកវិសាលភាពនៃការដឹកជញ្ជូនតាមផ្លូវទឹក និងផ្លូវសមុទ្រនៅកម្ពុជា។
ថ្លែងនៅក្នុងពិធីសម្ពោធបើកឱ្យប្រើប្រាស់ជាផ្លូវការកំពង់ផែទេសចរណ៍អន្តរជាតិកំពតនៅព្រឹកនេះ លោក ប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូនបានគូសបញ្ជាក់ថា បច្ចុប្បន្នកម្ពុជាមានកំពង់ផែសមុទ្រ និងកំពង់ផែតាមដងទន្លេចំនួន ១១៩ កន្លែងដែលកំពុងប្រតិបត្តិការដឹកជញ្ជូនតាមផ្លូវទឹក និងផ្លូវសមុទ្រនៅកម្ពុជា ក្នុងនោះនៅតាមតំបន់ឆ្នេរសមុទ្រមានកំពង់ផែក្រុងព្រះសីហនុ រួមទាំងកំពង់ផែចំនួន ៣០ ផ្សេងទៀត និងនៅតាមដងទន្លេមានកំពង់ផែស្វយ័តភ្នំពេញ និងកំពង់ផែចំនួន ៨៧ ផ្សេងទៀត។
ពាក់ព័ន្ធការដាក់ឲ្យដំណើរការកំពង់ផែទេសចរណ៍អន្តរជាតិកំពត ដែលមានទីតាំងស្ថិតនៅក្នុងភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត ចាត់ទុកជាច្រកទ្វារអន្តរជាតិផ្លូវសមុទ្រយ៉ាងសំខាន់ សម្រាប់តភ្ជាប់ការដឹកជញ្ជូនភ្ញៀវទេសចរពីបណ្តាប្រទេសនានា។ នេះបើតាមលោក ប៉េង ពោធិ៍នា។
ថ្ងៃទី ៖ 21-04-2025, ដោយ Heach | 183 Views
|
|
|
|
|
សួស្តីឆ្នាំថ្មី ឆ្នាំម្សាញ់ សប្តស័ក ព.ស ២៥៦៨ គ.ស ២០២៥ !
ឆ្លៀតក្នុងឱកាសនេះ សូមជូនពរ ឯកឧត្តម ផាន អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប. មានសុខភាពល្អ និងជួបតែសេចក្តីសុខ សេចក្តីចម្រើនតរាងទៅ ឆ្នាំថ្មីចូលមកដល់ សូមប្រសិទ្ធពរជ័យ សិរីមង្គល វិបុលសុខ ជូន ឯកឧត្តម មានភាពរីករាយនិងក្តីបារម្មណ៍ទាំងអស់នៃឆ្នាំចាស់បានបញ្ចប់ផុតអស់ យើងខ្ញុំសូមជូនពរ ឯកឧត្តម មានសុខភាពល្អក្នុងឆ្នាំថ្មី និងជោគជ័យគ្រប់ភារកិច្ចទាំងអស់ ឆ្នាំថ្មីនឹងក្លាយជាដំណើរថ្មីដែលពោរពេញដោយសំណាង វឌ្ឍនភាពការងារ និងបន្តក៏សាងស្នាដៃថ្មីៗបន្ថែមទៀតសម្រាប់ជាតិមាតុភូមិឱ្យកាន់តែរីកចំរើន។
សូមទេវតាឆ្នាំថ្មី ប្រោសប្រទានពរជ័យ សិរីសួស្តី ជ័យមង្គល វិបុលសុខ គ្រប់ប្រការ ជូនដល់ ឯកឧត្តម និងលោកជំទាវ ព្រមទាំងបុត្រា បុត្រី ឱ្យបានសម្រេចបាននូវគោលបំណង និងគោលដៅថ្មីៗជានិរន្តរ៍។
ថ្ងៃទី ៖ 11-04-2025, ដោយ Heach | 193 Views
|